މި ސަރުކާރު އޮއްސެނީ އެވެ. ލަދުގަތަސް ބިރުގަތަސް ފިތުރަތުގެ އުޞޫލުން ހަމަ އޮސޭނެއެވެ. އެހެން ކަމުން ކާއިނާތުގައި ﷲ ލައްވާފައިވާ ކޮންމެ މަޚުލޫގާތަކަށް ނިމުން އަންނަފަދައިން އެ އިލާހު ދެއްވެވި ނިޢުމަތްތަކާއި ޢިއްޒަތާއި ބާރުތަކަށްވެސް ނިމުން އަންނާނެއެވެ. ކޮންމެ ކަމެއްވެސް ނިމިގެން ދާނީ އަޒަލުގައި އެ އިލާހު ކަނޑައަޅުއްވާފައިވާ ގޮތުގެ މަތީންނެވެ. މިކަން ކަމަކީ ބައެެއްގެ މޮޅުކަމެއް ނުވަތަ ބާރުގަދަކަމެއް ދެއްކޭނޭ ކަންކަމެއް ނޫނެވެ.  އާދޭހެވެ! ” ތަދުބީރުގައިވާ އެއްކަމެއް ކަށަވަރު މަކުރަމޭ ނެތް ކަމަށް، ތަގުދީރު […]

އެކާވީސްވަނަ ގަރުނުގައި މަހަލްދީބު ރާއްޖޭގެ ވެރިކަން ކުރެއްވި ބޭފުޅުންގެ ތެރޭގައި ގޮޅާބޯ ކައްޒާބުގެ ނަމުން މަޝްހޫރުވި ބޭފުޅަކު ހިމެނުނެވެ. މިދެންނެވި ރައީސަކީ ވަރަށް ހިތްތިރި ބޭފުޅެކެވެ. ގޮޅާބޯ ރައީސަކީ މަހަލްދީބު ރާއްޖޭގެ ގާނޫނު އަސާސީގެ ބޭރުގަނޑުވެސް ދުއް ބޭފުޅެއް ނޫނެވެ. ގޮޅާބޯ ކައްޒާބު ވެރިކަން ކުރައްވަމުން ގެންދަވަނީ ނަވާރަވަނަ ގަރުނުގައި މަހަލްދީބު ރާއްޖޭގައި ޢަމަލް ކުރި ގާނޫނު އަސާސީގައި ބުނެފައިވާގޮތަށެވެ. މިދެންނެވި ގާނޫނު އަސާސީ ބުނަނީ ރައީސުލް ޖުމްހޫރިއްޔާއަކީ އުއްތަމަ ފަނޑިޔާރު ކަމަށާއި ރައްޔިތުންގެ މަޖިލީހުގެ ރައީސަކީވެސް […]

ރާއްޖޭގެ ވެރިކަން ކުރާނިޒާމު ބަދަލުކޮށް ރައްޔިތުން އެކުލަވާލި ޑިމޮކްރެޓިކް ނިޒާމުގެ ބާރުތައް ރައްޔިތުންގެ ކިބައިން ފޭރިގެންފިއެވެ. ވެރިކަން ކުރުމުގެ ބާރަކީ ރައްޔިތުންނަށް ގާނޫނުއަސާސީއިން ކަށަވަރުކޮށްދީފައިވާ ބާރެކެވެ. އެހެން ކަމާއެކު ރައްޔިތުންގެ ކިބައިން ސަރުކާރު ކޮންޓްރޯލް ކުރުމުގެ ބާރު ލޫޓުވާލި ހިސާބުން ދިވެހިޖުމްހޫރިއްޔާގެ ގާނޫނު އަސާސީ އެވަނީ އިހުގެ ބަހުނު ނަމަ އުލުބައިންދާފައެވެ. ގާނޫނުއަސާސީ އުލުބޭންދުމުން ރާއްޖޭގެ ދުސްތޫރީ ނިޒާމު އެ އުވުނީއެވެ. އެހެން ކަމުން މިހިނދު ރާއްޖޭގައި ރައީސަކު ނުހުންނާނެއެވެ. ގާނޫނު އަސާސީ އުލު ބޭންދުމަކީ ގާނޫނު […]

އެކާވީސް ވަނަގަރުނަކީ ދިވެހި ރާއްޖޭގައި އެކްސްކަވޭޓަރު ގަސް ފަޅައި އޭގެ ގަސް ހެދެންފެށި ގަރުނެވެ. ދުނިޔޭގެ ތާރީޚަށް މިއީ މުޅިން އައު ވާހަކައެކެވެ. އެކާވީސް ވަނަ ގަރުނުގައި ދިވެހިންގެ ރާއްޖެ އަކީ ތަރައްގީގެ ގިނަގުނަ މަޝްރޫޢުތަކެއް ފެށިފައިވާ ރާއްޖެއެއް ކަމަށް އެގައުމުގެ ރައީސް ވަނީ ވިދާޅުވެފައެވެ. އެގޮތުން އެރާއްޖޭގެ ރައީސް ރަށްރަށް ވަޑައި ގަންނަވަނީ މަޝްރޫޢުތައް ފެށުމަށް ބޭނުންވާ މެޝަނަރީތައް ކޮޅުވެއްޓިއަކަށް ލައިގެން އެ ސާމާނާއެކުގައެވެ. އެރައީސް އެކަން އެގޮތަށް ކުރައްވަނީ ރައްޔިތުންނަށް އެރަށެއްގައި އެމަނިކުފާނު އެ […]

ކިތަންމެ ވަރަކަށް އޮބިއަޅައިގެން ފެލިއަސް އެ އެއްޗެއްގައި ނެތް އެއްޗެއް ނު ނުކުންނެއެވެ. ގައުމު އޮތީ ވަގުންގެ އަތްދަށުވެފައެވެ. ބައިތުލް މާލު ވަނީ ކާލާފައެވެ. ރިޒާވް އަކު ލާރިއެއްނެތެވެ. ގައުމު ބޭންކްރަޕްޓްވެފައި އޮތުމުން އެއްވެސް ގައުމަކުންވެސް އަދި ބައިނަލް އަގުވާމީ މާލީ އިދާރާއަކުން ވެސް އަޅައެއް ނުލިއެވެ. ފައިސާ ގެންގުޅޭ ބޭރުގެ ކުންފުނިތަކުގެ ވެރިންނަށް ގައުމުގެ ބިންތައް ދީގެން މަޝްރޫޢެއް ފައްޓާތަން ރައްޔިތުންނަށް ދައްކާ ރައްޔިތުން ވާވައްދަނީއެވެ. ދައުލަތުގެ ކުންފުނި ތަކަށް ލިބުނުހާ ފައިސާ ނަގާ ހުސްކޮށްފިއެވެ. […]

ކޮންމެ މަހަކު -/35000ރ. ރުފިޔާ ދައްކަ ދައްކާ އަދި ކިތައް އަހަރު އެވޭނާ އެތުރާލާ އެހިތްދަތި ކަމުގެ ތެރޭގައި އެ ކުލި ނުދެއްކިގެން އެރައްޔިތުމީހާ ބޯގާނަން ޖެހޭނެތޯއެވެ. މިސުވާލަށް ޖަވާބުދޭނެ މީހާ ހޯދާ ހޯދާ ނުފެނުމުން އެމީހާ ހޯދަން ރައްޔިތުމީހާ ނުކުތުމަކީ ވެސް ސިޔާސީ ކަމެއްތޯއެވެ. އެގްރީމެންޓްގައި ސޮއި ކުރެވިއްޖެއެވެ. ޑައުން ޕޭމަންޓްވެސް ދައްކާ ނިމިއްޖެއެވެ. ނޫންނަމަ ޑައުންޕޭމެންޓް ދައްކާނިންމާނެ މުއްދަތުވެސް ކަނޑައެޅި ފުލެޓާއި ޙަވާލު ވުމަށް ބުނިހާ ކަމެއް ކޮށް ފުރިހަމަކުރަންޖެހޭ އެންމެހައި އިޖްރާތްތައް ރައްޔިތުމީހާ […]

ވޮޑަމުލު ރާއްޖެއަކީ ހިންދޫ ކަނޑުތެރޭގައި ޖަޒީރާ ރަށްތަކެއްގެ މައްޗަށް އެކުލެވިފައިވާ އާބާދީ ކުޑަ ގައުމެކެވެ. އެގައުމުގެ ރައްޔިތުންނަކީ އިސްލާމް ދީން ގަބޫލުކޮށްގެން ތިބި ބައެއް ކަމަށް ބުނެވެއެވެ. އެހެން ކަމުން ވޮޑަމުލު ރާއްޖޭގެ ރައްޔިތުންނަކީ ﷲ ނުރުއްސަވާ ކަންކަމުން ދުރުހެލިވެ ތަގުވާވެރި ވުމަށް ހިތްވަރުދޭ ބައެއް ކަމަށް ވެސް ބުނެވެއެވެ. އެހެނަސް ވޮޑަމުލު ރާއްޖޭގެ ރައްޔިތުންނަކީ ސިޔާސީ ވިސްނުންތަކާއި ދުރު ބައެއް ކަމަށްވެސް ބުނެވެއެވެ. އެހެނީ އެރާއްޖޭގައި ކުރިން ކުރަމުންދިޔަ ރަސްކަމުގެ ނިޒާމުގެ ތެރެއިން ރައްޔިތުން އަޚުވެތި […]

އިންތިޚާބު ކުރި ރައީސްމީހާ އަކީ ވައްކަން ކުރުމުގެ ރޮގުން ޕީއެޗްޑީ ޙާޞިލް ކުރައްވާފައިވާ ވަގެއްކަން މަޙަލްދީބުގެ ރައްޔިތުން ނަށް އެނގުނީ އެ ވެރިކަމަށް ދޮޅުއަހަރުވީ ތަނާއެވެ. މަހަލްދީބުގެ ގާނޫނުތައްބުނާ ގޮތުން ވައްކަން ކޮށް މަކަރާއި ހީލަތްހަދާ ވެރިންގެ މައްޗަށް ދަޢުވާ ކުރުމުގެ ޙައްގު ކޮންމެ ރައްޔިތަކަށް ވެސް ލިބިގެން ވެއެވެ. އެހެނަސް ރައްޔިތުން ނުވިސްނާ ތިއްބާ ގާނޫނު އަސާސީ އިން އެގައުމުގެ ރައްޔިތުންނަށް ލިބިދީފައިވާ ގާނޫނީ އެންމެހައި ޙައްގުތައް ވަގުންގެ ރައީސް ވަނީ އަތަށް ނަންގަވާފައެވެ. އެހެން […]

ރާއްޖޭގެ ރައީސުލް ޖުމްރިއްޔާ ވިއަސް އަދި އެހެން މީހަކު ކަމުގައި ވިއަސް ދައްކަވާ ވާހަކަފުޅުތަކާއި ވެ ވަޑައިގަންނަވާ ވަޢުދު ފުޅުތައް ގަބޫލު ކުރަންވާނީ އެކަމުގެ ތެދު ދޮގުބަލައި އެއީ ގަބޫލުކުރެވޭ ވަރުގެ ކަން ކަމެއްތޯ ބެލުމަށްފަހުގައެވެ. މިއީ އަޅުގަނޑު ބުނާވާހަކައެއް ނޫނެވެ. މިއީ ރާއްޖޭގެ ރައީސުލް ޖުމްހޫރިއްޔާ ރައްޔިތުންނާ ބައްދަލު ކުރައްވާ ސީދާ ލައިވްކޮށް ވިދާޅުވި ވާހަކަ ފުޅެކެވެ. އެމަނިކުފާނު ވިދާޅުވިއެވެ. މީހަކު ވާހަކައެއް ދައްކާއިރު އޭގެ ތެދު ދޮގު ނުބަލާ އަޑުއަހާ މީހުން ގަބޫލު ކޮށްގެން […]