ބުރިކޮށްލީ ދިވެއްސެއް ގޮހޮރު! ޑީލް ހަދައިން ކޭސް ވެސް އޮއްބާލައިފި..!؟
ވައިޑީ ވާރކްސް އަކީ އެތާގެ ވެހިކަލް ކުށްޔަށް ހިފާ ފާރާތް ތަކަށް ގަޑި އޮޅުވާލައި މަސައްކަތް ނުކުރާ ގަޑިތަކަށް ފައިސާ ނަގަމުންދާ މަކަރުވެރި ބަޔަކު ހިންގާ ކުންފުންޏެކެވެ. ވެހިކަލެއް ބޭނުން ވެގެން އެކުންފުންޏަށް ފޯނު ކުރުމާއެކު ވެހިކަލް މި ފޮނުވަނީ އޭ ބުނުމަށްފަހު އެތައްއިރެއް ވުމުން ވެހިކަލް ކޮބައިތޯއޭ ބަލަން ދެވަނަފަހަރަށް ފޯންކުރުމުން ދޭ ޖަވާބަކީ ތިތާގައި ވެހިކަލް އޮންތާ އެތައްއިރެއް ވެއްޖެ ކަމުގައެވެ. މި ޖަވާބާއި ގުޅިގެން ބަލާއިރު ވެހިކަލް އައިސް މަޑުކުރާތަން ފެނެއެވެ. މީގެތެރެއިން ބައެއް ފަރާތްތަކަކީ ނުހަނުގިނައިން ކުލީ ވެހިކަލް ގެންގޮސްގެން މަސައްކަތް ކުރުވާ ފަރާތްތަކެކެވެ.
އެހެންކަމުން ގިނައިން ވެހިކަލް ކުއްޔަށް ހިފާފަރާތް ތަކަށް ވައިޑީ ވާރކްސް އިން ބިލްތައް ހަދަނީ ވެހިކަލް ކުއްޔަށް ހިފައިގެން މަސައްކަތް ކޮށްފައިވާ ގަޑިތަކަށް އުނިއިތުރު ގެނެސް ވެހިކަލް ބޭނުންވެގެން ގުޅާ ވަގުތުން ފެށިގެން ކޮންމެ ދަތުރަކަށް ގަޑިއިތުރަށް ގުނައި މަސައްކަތް ނުކުރާ ގަޑިތަށްވެސް ހިމަނައިގެން ކަމަށް އެތަނުން ކުއްޔަށް ވެހިކަލް ހިފިމީހަކު ކިޔައިދިނެވެ. އަނެއްކޮޅުން ބޮޑެތި ލޮރީއާއި ހައިމާކު އަދި ކޮންޓެނާ އުފުލާ ޓްރަކުފަދަ އެހީތެރިން ތިބެން ޖެހޭ ވެހިކަލް ތަށް ފޮނުވަނީ އެހީތެރިންނާ ވެސް ނުލައެވެ.
އެހެން ކަމާއެކު ބައެއްކަހަލަ މަސައްކަތްތަކަށް ގެންނަ ވެހިކަލް ތަކުގައި އެހީތެރިން ނެތުމުގެ ސަބަބުން މަސައްކަތް ނުކުރެވި ތިބެން ޖެހޭ ވަގުތު ތަކަށްވެސް ވައިޑީ ވޯރކްސް އިން ޗާޖު ކުރެއެވެ.
ވައިޑީ ވާރކްސް ހިންގަނީ މަކަރާހީލަތުން ފުރިގެންވާ ގީދަޅު ބައެއް ކަމަށް ގިނަބަޔަކު ބުނެއެވެ. އެހީތެރިން ތިބެގެން ނޫނީ ދުއްވުން މަނާވެހިކަލް ތައް މަސައްކަތް ކުރަން ފޮނުވުމުގެ ސަބަބުން ނުރައްކާތެރި ބައެއް އެކްސިޑެންޓް ތައްވެސް ހިނގަމުން ދެއެވެ. އެހެނަސް ފުލުހުންނަށް ރިޝްވަތު ދީގެން އެފަދަ އެކްސިޑެން ތަކުގެ ޒިންމާއިން ރެކެމުން ދާކަންވެސް ބައެއްފަރާތް ތަކުން ފާހަގަކޮށްފައި ވެއެވެ. ވައިޑީ ވާރކްސް ގެ ކޮންޓެނާ އުފުލާ ވެހިކަލެއް އެހީތެރިންނާއި ނުލައި ދުއްވަމުގެ ސަބަބުން މީގެ ދެމަހެއްހާ ދުވަސް ކުރިން ވަނީ ނުރައްކާތެރި އެކްސިޑެންޓެއް ވެސް ވެފައެވެ.
މިއެކްސިޑެންޓް ހިގަން މެދުވެރިވީ ޑްރައިވަރުގެ އިތުރުން ދެ އެހީތެރިން ތިބެންޖެހޭ އެ ޓުރަކު ޑުރައިވަރު އެކަނި އިނދެ ދުއްވުމުގެ ސަބަބުންނެވެ. އޭނާއަށް އެކަނި އެޓްރަކު ދުއްވުމާއި ބަލަންވާ ވަރަށް ނުބަލާ އޯވަރޓޭކް ކޮށް ހުޅުމާލޭ ފޭސް ދޭކުން ފޭސް އެކަކަށް ސައިކަލެއްގައި ދިޔަ ދެބަފައިން ޓުރަކުގެ ދަށުވެ ދުއްވަން އިންމީހާގެ ފުރާނަ ސަލާމަތްވީ ކިރިޔާއެވެ. އަދިވެސް އެފަކީރު އެ އުޅެނީ ސަލަމާތް ނުވެވިގެންނެވެ.
ވައިޑީ ވާރކްސް ގެ އެމްޑީ އެކްސިޑެޓްގެ ޒިންމާ ނަގާނެ ކަމަށް ބުނެ، އެސީނަށް އެޓެންޑުވި އައިއޯއާއި ޑީލް ހަދައި އެސީން ރޫޅާލައި، އެންމެ ފަހުން ޒިންމާވެސް ނުނެގިއެވެ. ޓުރަކު ދަށުވި މީހާ ވަނީ ގޮހޮރު ފަޅައިގެން ގޮސްފައެވެ. އެއްއަހަރުވަންދެން އެއްވެސް މަސައްކަތެއް ނުކުރެވޭ ފަދަ ބަލި ހާލުގައެވެ. އެންމެ ފަހުން ޒިންމާއިން ރެކި އައިއޯ ބޮލަށް ޗިޕް ލައްވައިގެން އެކްސިޑެންޓްގައި އަނިޔާ ލިބުނު މީހާއަށް އެއްވެސް ވަރަކަށް އަޅާނުލައި، ކުޑަމިނުން ބޭސް ވެސް ނުކޮށްް، ހާލު ކިހިނެއްހޭ ވެސް އަހާނުލައި ، އެމައްސަލަ ވެސް އޮއްބާލީއެވެ. އަނިޔާވެރިކަމާއި މަކަރު ވެރިކަމާއި އޮޅުވާލުމުގައި ވައީޑީ ވާރކްސް ގެ ވެރިންނަކީ ދެވަނައެއް ނުވާ މިސާލެކެވެ.
އެހެން ކަމާއެކު ވައިޑީ ވާރކްސް އިން ކުއްޔަށް ވެހިކަލް ނަންގަވާ ފަރާތްތަކުގެ ސަމާލު ކަމަށްޓަކާ މިވާހަކަ ދަންނަވާލަމެެ.
